Maskalı şəxslər ər-arvadı güllələyərək öldürüblər

Tbilisidə, Kür çayının sağ sahilində baş vermiş qətlin yeni təfərrüatları məlum olub. 24News.ge yerli mətbuata istinadən xəbər verir ki, hadisə nəticəsində 62 yaşlı ər-arvad öldürülüb. Məlumata görə, işdən evə qayıdan cütlüyü binanın girişində iki maskalı şəxs qarşılayıb. Daha sonra hücum edənlər onlara odlu silahdan atəş açıblar. Nəticədə ər-arvad hadisə yerindəcə həyatını itirib. Bildirilir ki, mərhumlar “Saba” ticarət mərkəzində işləyiblər. Qətlin motivi hələlik məlum deyil. Hadisə yerinə bir neçə patrul polis ekipajı səfərbər olunub, ərazi sarı lentlə əhatəyə alınıb. Binanın həyətində kriminalist-ekspertlər işləyir. Hadisə yerində prokuror Levan Vepxvadze də iştirak edir. Xatırladaq ki, qanlı hadisə Didube rayonunda, Alman Hospitalının yaxınlığında yerləşən “Center Point” yaşayış binasında baş verib. Faktla bağlı Cinayət Məcəlləsinin 109-cu və 236-cı maddələri ilə istintaq başlanılıb. Həmin maddələr ağırlaşdırıcı hallarda iki və ya daha çox şəxsin qəsdən öldürülməsini, eləcə də odlu silahın qanunsuz əldə edilməsi, saxlanılması və daşınmasını nəzərdə tutur.

www.24news.ge

Maskalı şəxslər ər-arvadı güllələyərək öldürüblər

Digər xəbərlər