102 300 lari dəyərində qızıl-zinət əşyalarını mənimsəyən şəxs saxlanılıb

Külli miqdarda pul vəsaitini dələduzluq yolu ilə mənimsəməkdə şübhəli bilinən bir nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. İstintaqla müəyyən edilib ki, təqsirləndirilən şəxs vətəndaşlardan birini aldadaraq ondan qızıl-zinət əşyalarını alıb. O, həmin əşyaları satdıqdan sonra bir ay ərzində müvafiq məbləği ödəyəcəyinə söz verib. Lakin qızıl-zinət əşyalarını satdıqdan sonra zərərçəkmiş şəxslə əlaqəni kəsib və əldə etdiyi 102 300 larini qanunsuz olaraq mənimsəyib. Hüquq-mühafizə orqanlarının əməkdaşları şübhəli şəxsi hakimin qərarı əsasında saxlayıblar. Faktla bağlı Cinayət Məcəlləsinin 180-ci maddəsinin 3-cü hissəsi ilə istintaq aparılır. Sözügedən maddə 9 ilədək azadlıqdan məhrumetmə cəzasını nəzərdə tutur.

www.24news.ge

102 300 lari dəyərində qızıl-zinət əşyalarını mənimsəyən şəxs saxlanılıb

Digər xəbərlər