Gürcüstandakı Azərbaycan evləri və mərkəzlərinin rəhbərləri üçün rəqəmsal texnologiyalar üzrə təlim keçirilib (VİDEO)

Azərbaycan Respublikasının Diasporla İş üzrə Dövlət Komitəsi xaricdəki diaspor təşkilatlarının, Azərbaycan Evlərinin və Koordinasiya Şuralarının rəqəmsal imkanlarının genişləndirilməsi istiqamətində fəaliyyətini davam etdirir. Bu çərçivədə həyata keçirilən “Diaspor Təşkilatlarının Mərkəzi Portalı” layihəsi təşkilatların vahid rəqəmsal platformada birləşdirilməsini, müasir vebsaytlarla təmin olunmasını və sosial media hesabları ilə inteqrasiyasını nəzərdə tutur. 24News.ge xəbər verir ki, layihənin icrası çərçivəsində Gürcüstanda fəaliyyət göstərən Azərbaycan Evləri və mərkəzlərinin rəhbərləri üçün rəqəmsal texnologiyalardan istifadəyə dair təlim təşkil olunub. Layihənin əsas məqsədi xaricdəki diaspor təşkilatlarının müstəqil şəkildə idarə edə biləcəyi müasir vebsaytlarla təmin olunması, onların fəaliyyətinin daha geniş auditoriyaya çatdırılması və rəqəmsal mühitdə təmsilçiliyinin gücləndirilməsidir. Təlimdə iştirakçılara www.diaspor.org portalının texniki imkanları və istifadə qaydaları barədə məlumat verilib. Fərdi vebsaytların idarə olunması, xəbərlərin, elanların, foto və video materialların yerləşdirilməsi, məlumatların yenilənməsi və sosial media hesabları ilə əlaqələndirilməsi praktiki nümunələrlə izah edilib. Yüzlərlə vebsaytın inteqrasiyasını dəstəkləyən portal təşkilatlara əlavə texniki infrastruktur yaratmadan və maliyyə vəsaiti sərf etmədən fərdi vebsaytlar əldə etmək imkanı verir. Həmçinin diaspor təşkilatlarının fəaliyyəti ilə bağlı məlumatların vahid informasiya məkanında cəmləşdirilməsinə, onların əlçatanlığının artırılmasına və informasiya mübadiləsinin gücləndirilməsinə şərait yaradır. Vebsaytların hazırlanması, portala inteqrasiyası və texniki dəstək xidmətləri Komitə tərəfindən ödənişsiz həyata keçirilir. Layihə çərçivəsində digər ölkələrdə fəaliyyət göstərən diaspor təşkilatlarının da portalın imkanlarından yararlanması istiqamətində işlərin davam etdirilməsi nəzərdə tutulur.

www.24news.ge

Gürcüstandakı Azərbaycan evləri və mərkəzlərinin rəhbərləri üçün rəqəmsal texnologiyalar üzrə təlim keçirilib (VİDEO)

Digər xəbərlər