ევროპარლამენტმა ივანიშვილის, კობახიძის, პაპუაშვილისა და კალაძის წინააღმდეგ სანქციების დაწესება შესთავაზა

ევროპარლამენტმა ევროკავშირსა და წევრ სახელმწიფოებს მოუწოდა, სანქციები დაუწესონ „ქართული ოცნების“ საპატიო თავმჯდომარეს ბიძინა ივანიშვილს, პრემიერ-მინისტრ ირაკლი კობახიძეს, პარლამენტის თავმჯდომარე შალვა პაპუაშვილსა და თბილისის მერს კახა კალაძეს 24News.ge იუწყება, რომ ამის შესახებ აღნიშნულია ევროპარლამენტის მიერ საქართველოსთან დაკავშირებით მომზადებულ რეზოლუციის პროექტში. დოკუმენტზე კენჭისყრის ჩატარება მოგვიანებით არის დაგეგმილი. რეზოლუციის პროექტი საქართველოში მმართველი პარტია „ქართული ოცნების“ მიერ ოპოზიციური პარტიების აკრძალვასთან დაკავშირებულ ინიციატივებს ეძღვნება. დოკუმენტში ევროპარლამენტის პოზიციის მიხედვით, აღნიშნულია, რომ საქართველოში დემოკრატიის, მედიის თავისუფლების, ადამიანის უფლებებისა და კანონის უზენაესობის სფეროში ვითარება გაუარესდა. რეზოლუციის პროექტში აღნიშნულია, რომ 2025 წლის ნოემბერში „ქართული ოცნების“ კონტროლქვეშ მყოფმა პარლამენტმა საკონსტიტუციო სასამართლოს მიმართა რიგი ოპოზიციური პარტიების აკრძალვის მოთხოვნით. დოკუმენტში მოხსენიებულია „ერთიანი ნაციონალური მოძრაობა“, „ცვლილებების კოალიცია“ და „ლელო ძლიერი საქართველო“. პროექტში მოგვიანებით აღნიშნულია, რომ „ფედერალისტები“ 2026 წლის სექტემბერში, ხოლო პარტია „საქართველოსთვის“ კი მოგვიანებით აღნიშნულ პროცესს დაემატა. ევროპარლამენტის მიერ მომზადებულ დოკუმენტში აღნიშნულია, რომ ეს პროცესები „ქართული ოცნების“ პოლიტიკური პლურალიზმის შეზღუდვისა და ქვეყნის ერთპარტიულ პოლიტიკურ სისტემად გადაქცევის სტრატეგიის ნაწილია. დოკუმენტში ეს მიდგომა რუსეთისა და ბელარუსის მოდელებს არის შედარებული. რეზოლუციის პროექტში ასევე აღნიშნულია, რომ 2026 წლის სექტემბერში საკონსტიტუციო სასამართლოში მოსამართლეების დანიშვნამ მათი დამოუკიდებლობის შესახებ კითხვები გააჩინა. დოკუმენტში აღნიშნულია, რომ „კონრად ადენაუერისა“ და „ფრიდრიხ ნაუმანის“ ფონდებს 2026 წლის სექტემბერში თბილისში თავიანთი ოფისების დახურვა მოუწიათ. გარდა ამისა, რეზოლუციის პროექტში აღნიშნულია, რომ რიგი ჟურნალისტები დააკავეს იმის გამო, რომ ისინი ავრცელებდნენ ინფორმაციას ოპოზიციისა და სამოქალაქო საზოგადოების წინააღმდეგ ხელისუფლების მიერ განხორციელებულ, სავარაუდო რეპრესიების შესახებ. აღვნიშნავთ, რომ აღნიშნული დოკუმენტი ამჟამად რეზოლუციის პროექტია და ევროპარლამენტში კენჭისყრა უნდა გაიაროს.

www.24news.ge

ევროპარლამენტმა ივანიშვილის, კობახიძის, პაპუაშვილისა და კალაძის წინააღმდეგ სანქციების დაწესება შესთავაზა

სხვა სიახლეები