ზახაროვამ რუსეთის მიერ ქართულ სასმელებზე დაწესებულ აკრძალვასთან დაკავშირებით კომენტარი გააკეთა

რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა, რომ საქართველოს ზოგიერთი სასმელის რუსეთში იმპორტზე დაწესებულ შეზღუდვებს თავისი მიზეზები აქვს და მას რაიმე პოლიტიკური საფუძველი არ გააჩნია. 24News.ge-ის ინფორმაციით, ზახაროვამ ამის შესახებ საქართველოში წარმოებული ზოგიერთი სასმლის რუსეთში იმპორტის აკრძალვასთან დაკავშირებული კითხვის საპასუხოდ ისაუბრა. მისი თქმით, საკითხი რუსეთის მომხმარებელთა უფლებების დაცვისა და ადამიანის კეთილდღეობის ზედამხედველობის ფედერალური სამსახურის (როსპოტრებნადზორი) კომპეტენციას განეკუთვნება. „დაწესებულ შეზღუდვებს თავისი მიზეზები აქვს. ჩვენ ვხედავთ მცდელობას, ჩვეულებრივი პროცედურისგან პოლიტიკური ფაქტორები შექმნან და ამ საკითხის გარშემო სპეკულაციები აწარმოონ. აქ პოლიტიკური მიზეზების ძიება საჭირო არ არის. არანაირი პოლიტიკური საფუძველი არ არსებობს. არსებობს გარკვეული მოთხოვნები და ეს მოთხოვნები იმ კომპანიებს ეცნობათ, რომლებსაც აღნიშნული პროდუქცია შემოაქვთ. შემიძლია ვთქვა, რომ საქართველოდან რუსეთში პროდუქცია ათობით კომპანიას შეაქვს. დარღვევები მხოლოდ რამდენიმე საწარმოში გამოვლინდა. ყველა დანარჩენი კომპანია ჩვენს ბაზარზე საქმიანობას უპრობლემოდ აგრძელებს. ეს ბაზარი საქართველოსთვის პრიორიტეტული მნიშვნელობისაა“, — განაცხადა ზახაროვამ. შეგახსენებთ, რომ რუსეთმა ზოგიერთი ქართული კომპანიის პროდუქციის იმპორტის აკრძალვის შესახებ განაცხადა. როსპოტრებნადზორის ინფორმაციით, 9 ოქტომბრიდან რუსეთის ფედერაციაში სურსათის იმპორტისა და მიმოქცევის შეჩერების მიზნით დროებითი სანიტარიული ღონისძიება ამოქმედდა.

www.24news.ge

ზახაროვამ რუსეთის მიერ ქართულ სასმელებზე დაწესებულ აკრძალვასთან დაკავშირებით კომენტარი გააკეთა

სხვა სიახლეები