კობახიძე: „ჩვენთვის მომდევნო არჩევნების მოძველებული სახეებით მოგება უფრო ადვილი იქნებოდა“

პრემიერ-მინისტრმა ირაკლი კობახიძემ ოპოზიციური პარტიების აკრძალვასთან დაკავშირებით საკონსტიტუციო სასამართლოში შეტანილ სარჩელზე ისაუბრა. 24News.ge-ის ინფორმაციით, კობახიძის თქმით, „ქართულმა ოცნებამ“ სარჩელის შეტანისას პირადი ინტერესებით კი არა, ქვეყნისა და ქართველი ხალხის ინტერესებით იხელმძღვანელა. მისი განცხადებით, მიზანი პოლიტიკური სისტემის გაჯანსაღებაა. პრემიერ-მინისტრმა აღნიშნა, რომ არსებული ოპოზიციური ძალების პოლიტიკურ სცენაზე დარჩენა ხელისუფლებისთვის მომდევნო არჩევნებში გამარჯვების მოპოვებას კიდევ უფრო გაუადვილებდა. „მათი დღეები დათვლილია. საკონსტიტუციო სასამართლოში ძალიან მკაფიოდ ჩამოყალიბებული სარჩელი წარვადგინეთ. ამ სარჩელთან დაკავშირებით ერთი საკითხის აღნიშვნაც მინდა: სუბიექტური თვალსაზრისით, შესაძლოა, ჩვენთვის უფრო საინტერესო ყოფილიყო არსებული პოლიტიკური სპექტრის შენარჩუნება. ჩვენ ყოველ ჯერზე ძალიან მარტივად ვამარცხებთ ამ რადიკალურ, გაერთიანებულ ოპოზიციურ ძალას, პოლიტიკურ ძალას, რომელსაც სინამდვილეში აგენტურა წარმოადგენს და ოპოზიციად მოიხსენიებენ. ამ მოძველებული სახეებით მომდევნო არჩევნების მოგება ჩვენთვის უფრო ადვილი იქნებოდა.“ თუმცა, ამ შემთხვევაში მთავარი საკითხი ჩვენი სუბიექტური ინტერესები არ არის. მთავარი ისაა, რომ პოლიტიკური სისტემისა და დემოკრატიული წყობის გაჯანსაღება ქართველი ხალხის ინტერესებს შეესაბამება. სწორედ ამიტომ, საკონსტიტუციო სასამართლოში სარჩელის წარდგენისას ჩვენი სუბიექტური ინტერესებით კი არა, საქართველოს საზოგადოებისა და ჩვენი ქვეყნის ობიექტური ინტერესებით ვიხელმძღვანელეთ, – განაცხადა ირაკლი კობახიძემ.

www.24news.ge

კობახიძე: „ჩვენთვის მომდევნო არჩევნების მოძველებული სახეებით მოგება უფრო ადვილი იქნებოდა“

სხვა სიახლეები