Baş nazirdən iddalı açıqlama: "Təxminən 150 gənc küçələrdə güllələnib"

Baş nazir İrakli Kobaxidze əvvəlki hakimiyyət dövründə təxminən 150 gəncin küçələrdə öldürüldüyünü açıqlayıb. 24News.ge xəbər verir ki, Kobaxidze bu barədə “Açıq efir” proqramında danışıb. Baş nazirin sözlərinə görə, həmin dövrdə dövlət rejiminin nümayəndələri tərəfindən küçələrdə insanların öldürülməsi halları baş verib: “Bu insanların arasında kriminal keçmişi olan və ya cinayət həyat tərzi sürən şəxslər də ola bilərdi. Lakin onların arasında belə insanlarla heç bir əlaqəsi olmayan şəxslər də var idi. Buna Buta Robakidzeni misal göstərmək olar. O, ümumiyyətlə, kriminal şəxslərlə əlaqəli deyildi və belə bir insan küçədə, günün günorta çağı öldürüldü”, – deyə Kobaxidze bildirib. Baş nazir iddia edib ki, bu cür hadisələr “nümayişkaranə qətllər” olub və məqsəd cəmiyyətdə qorxu yaratmaq və hakimiyyətin sərt simasını göstərmək olub. Kobaxidze təxminən 150 gəncin məhz cəmiyyətdə qorxu yaratmaq cəhdi çərçivəsində küçələrdə öldürüldüyünü bildirib.

www.24news.ge

Baş nazirdən iddalı açıqlama: "Təxminən 150 gənc küçələrdə güllələnib"

Digər xəbərlər