Zakir Həsənov: Azərbaycan-Gürcüstan-Türkiyə əməkdaşlığı regional sabitlik üçün mühüm platformadır

Azərbaycan, Gürcüstan və Türkiyə arasında üçtərəfli əməkdaşlıq formatı regional sabitlik, təhlükəsizlik və inkişaf baxımından mühüm platforma hesab olunur. 24News.ge xəbər verir ki, bu barədə Azərbaycanın müdafiə naziri Zakir Həsənov Şuşa şəhərində Gürcüstan və Türkiyənin müdafiə nazirləri ilə görüşdən sonra bildirib. Zakir Həsənov üç ölkə arasında müdafiə sahəsində əməkdaşlığın uğurla inkişaf etdiyini qeyd edib. Azərbaycanlı nazir dünyada siyasi gərginliyin artdığı və müxtəlif çağırışların meydana çıxdığı bir vaxtda dövlətlər arasında koordinasiya və qarşılıqlı fəaliyyətin xüsusi əhəmiyyət daşıdığını vurğulayıb: “Əməkdaşlığın inkişaf dinamikasından məmnunuq və birgə səylərlə bunu daha da genişləndirməyi və dərinləşdirməyi planlaşdırırıq”, – deyə Zakir Həsənov bildirib. Qeyd edək ki, Şuşada keçirilən Azərbaycan, Türkiyə və Gürcüstan müdafiə nazirlərinin 13-cü üçtərəfli görüşündə tərəflər üç ölkə arasında ikitərəfli və üçtərəfli əməkdaşlığın inkişaf perspektivləri, əldə olunan nəticələr, regionda baş verən hərbi-siyasi proseslər və hərbi təhlükəsizlik məsələləri barədə fikir mübadiləsi aparıblar.

www.24news.ge

Zakir Həsənov: Azərbaycan-Gürcüstan-Türkiyə əməkdaşlığı regional sabitlik üçün mühüm platformadır

Digər xəbərlər