მთავრობა 4 მუნიციპალიტეტში დამატებითი არჩევნებისთვის 1,1 მილიონ ლარზე მეტ თანხას გამოყოფს

საქართველოს მთავრობის სარეზერვო ფონდიდან ცენტრალურ საარჩევნო კომისიას (ცესკო) 1 მილიონ 117 ათასი ლარი გამოეყოფა. 24News.ge-ის ინფორმაციით, საქართველოს პრემიერ-მინისტრ ირაკლი კობახიძის მიერ ხელმოწერილ, 31 აგვისტოთი დათარიღებულ მთავრობის განკარგულებაში აღნიშნულია, რომ აღნიშნული თანხა 2026 წლის 3 ოქტომბერს გასამართი მუნიციპალიტეტების საკრებულოების წევრთა შუალედური არჩევნების დაფინანსებას მოხმარდება. თანხა გამოიყოფა „საქართველოს 2026 წლის სახელმწიფო ბიუჯეტის შესახებ“ კანონით გათვალისწინებული მთავრობის სარეზერვო ფონდიდან. ამასთან დაკავშირებით დაფინანსებას საქართველოს ფინანსთა სამინისტრო უზრუნველყოფს. აღსანიშნავია, რომ 3 ოქტომბერს ვანის, წალკის, დმანისისა და ახმეტის მუნიციპალიტეტების საკრებულოებში ვაკანტური ადგილების დასაკავებლად შუალედური არჩევნები გაიმართება. აღნიშნულ არჩევნებზე ოთხი მაჟორიტარი დეპუტატი აირჩევა. არჩევნების ჩასატარებლად ჯამში 7 საარჩევნო უბნის ფუნქციონირებაა გათვალისწინებული. მათგან 4 უბანზე ამომრჩეველთა ელექტრონული იდენტიფიკაციისა და ხმების დათვლის აპარატები იქნება გამოყენებული. შუალედურ არჩევნებში მონაწილეობას მიიღებენ მმართველი პარტია „ქართული ოცნება“ და კოალიცია „ძლიერი საქართველო/ლელო“.

www.24news.ge

მთავრობა 4 მუნიციპალიტეტში დამატებითი არჩევნებისთვის 1,1 მილიონ ლარზე მეტ თანხას გამოყოფს

სხვა სიახლეები