Qardabanidə 100-ə yaxın idmançının iştirakı ilə kikboksinq yarışı keçirilib (VİDEO)

Qardabani bələdiyyəsinin Candar kəndində yeni yaradılmış “BULL FIGHT” idman klubunun təşkilatçılığı ilə kikboksinq üzrə yarış keçirilib. 24News.ge xəbər verir ki, yarışda Marneuli, Qardabani, Kaxeti və digər bölgələrdən ümumilikdə 10 idman klubunun nümayəndələri iştirak edib. Müxtəlif yaş qrupları üzrə təşkil olunan yarışda 90 idmançı rinqə çıxıb. Təşkilatçıların sözlərinə görə, yarışın əsas məqsədi uşaqları və gəncləri zərərli vərdişlərdən uzaq tutmaq, sağlam həyat tərzini təbliğ etmək və gələcəkdə beynəlxalq səviyyədə tanınan idmançıların yetişdirilməsinə dəstək verməkdir. Qeyd edək ki, 6-17 yaş arası uşaqların və gənclərin iştirak etdiyi yarışın sonunda qaliblərə medal, diplom və müxtəlif hədiyyələr təqdim olunub. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Qardabanidə 100-ə yaxın idmançının iştirakı ilə kikboksinq yarışı keçirilib (VİDEO)

Digər xəbərlər