Gürcüstanda yaşayan gənclər üçün “Azərbaycanda təhsil imkanları” mövzusunda infosessiya keçiriləcək

Gürcüstanda yaşayan gənclər üçün “Azərbaycan Respublikasında təhsil imkanları” mövzusunda infosessiya keçiriləcək. 24News.ge xəbər verir ki, görüşlərdə Azərbaycan Respublikasında Azərbaycan, rus və ingilis dillərində ali təhsil imkanları, eləcə də təqaüdlü təhsil proqramları barədə ətraflı məlumat veriləcək. Azərbaycan Elm və Təhsil Nazirliyi yanında Elm və Ali Təhsil üzrə Dövlət Agentliyinin nümayəndəsinin iştirakı ilə keçiriləcək görüşlər zamanı mövcud dəstək mexanizmləri barədə də məlumat təqdim olunacaq. İnfosessiya 8-9 sentyabr tarixlərində Tbilisidə, Mirzə Fətəli Axundzadə adına Azərbaycan Mədəniyyəti Muzeyində keçiriləcək. Görüşlər 10:00-12:00 və 14:00-16:00 saatlarında baş tutacaq. Tədbirdə son sinif şagirdləri, tələbələr və valideynlər iştirak edə bilərlər. İştirak etmək istəyənlər office@studyinazerbaijan.edu.az elektron poçt ünvanına ad, soyad, əlaqə nömrəsi və tədbirin adını göndərməklə qeydiyyatdan keçə bilərlər.

www.24news.ge

Gürcüstanda yaşayan gənclər üçün “Azərbaycanda təhsil imkanları” mövzusunda infosessiya keçiriləcək

Digər xəbərlər