Vəkil adı ilə 58 min lari dələduzluq edən şəxs saxlanılıb (VİDEO)

Polis külli miqdarda vəsaitin dələduzluq yolu ilə mənimsənilməsi, saxta rəsmi sənədin hazırlanması və istifadəsi ittihamı ilə bir nəfəri saxlayıb. 24News.ge xəbər verir ki, bu barədə Daxili İşlər Nazirliyi məlumat yayıb. İstintaqın müəyyən etdiyinə görə, saxlanılan şəxs özünü xarici vətəndaşlara vəkil kimi təqdim edib. O, həmin şəxslərə Gürcüstanda yaşayış və işləmək hüququ əldə etmələri üçün sənədlərin hazırlanmasına kömək edəcəyini vəd edərək onlardan ümumilikdə 58 min lari alıb. Lakin vədini yerinə yetirməyərək pulu mənimsəyib. Zərərçəkənlər pulun qaytarılmasını tələb etdikdən sonra isə təqsirləndirilən şəxs saxta bank köçürməsi sənədi hazırlayıb. O, bu sənəddən istifadə edərək zərərçəkənləri pullarını geri qaytardığına inandırmağa çalışıb. Hüquq-mühafizə əməkdaşları şübhəlini məhkəmə qərarı əsasında saxlayıblar. Faktla bağlı Cinayət Məcəlləsinin 180-ci və 362-ci maddələri ilə araşdırma aparılır. Bu maddələr 9 ilədək müddətə azadlıqdan məhrumetmə cəzasını nəzərdə tutur.

www.24news.ge

Vəkil adı ilə 58 min lari dələduzluq edən şəxs saxlanılıb (VİDEO)

Digər xəbərlər