Rusiya XİN: Kiyev və Qərb Tbilisini Cənubi Qafqazda yeni “qanlı macəralara” cəlb etməyə çalışır

“Kiyev, Qərb və gürcü radikallar Tbilisini Cənubi Qafqazda yeni qanlı macəralara cəlb etməyə çalışırlar”. 24News.ge xəbər verir ki, bu barədə Rusiya Xarici İşlər Nazirliyinin 2008-ci ilin avqust müharibəsi ilə bağlı yaydığı bəyanatda bildirilib. Rusiya XİN bütün tərəfləri Cənubi Qafqazda təhlükəsizlik və sabitliklə bağlı beynəlxalq müzakirələrin əsas vəzifəsinə – Abxaziya və Cənubi Osetiyanın təhlükəsizliyinin təmin edilməsinə xüsusi diqqət yetirməyə çağırıb. Nazirlik Tbilisi ilə bir tərəfdən, Suxumi və Sxinvali arasında isə digər tərəfdən güc tətbiq etməmək barədə sazişin hazırlanması və imzalanması istiqamətində praktiki fəaliyyətə mümkün qədər tez başlanacağına ümid etdiyini bildirib. “Belə hüquqi öhdəliklərin götürülməsi 2008-ci ilin avqustunda baş verən faciəli hadisələrin təkrarlanmasının qarşısını almaq üçün etibarlı zəmanət olacaq”, – deyə Rusiya XİN qeyd edib. Rusiya Xarici İşlər Nazirliyinin açıqlamasında bildirilib ki, sərhədyanı rayonlarda vəziyyətin sabitləşdirilməsinə real töhfə Gürcüstan-Cənubi Osetiya və Gürcüstan-Abxaziya dövlət sərhədlərinin delimitasiyası prosesinin başlanması və daha sonra demarkasiyası ilə verilə bilər. “Bu vəzifə Qərbin, Kiyevin nasist rejiminin və gürcü radikal siyasi qüvvələrinin Tbilisini Cənubi Qafqazda yeni qanlı avantüralara cəlb etmək cəhdləri fonunda xüsusi əhəmiyyət kəsb edir”, – deyə Rusiya Xarici İşlər Nazirliyinin bəyanatında vurğulanıb.

www.24news.ge

Rusiya XİN: Kiyev və Qərb Tbilisini Cənubi Qafqazda yeni “qanlı macəralara” cəlb etməyə çalışır

Digər xəbərlər