Tanınmış fotojurnalist Şahvələd Ayvazovun Tbilisidə kitab-albomu nəşr olunub

Şahvələd Ayvazov Gürcüstanda fəaliyyət göstərən fotojurnalistdir və onun peşəkar fəaliyyəti bir neçə onilliyi əhatə edir. O, müxtəlif dövrlərdə həm Gürcüstanda, həm də ölkə hüdudlarından kənarda baş verən hadisələri işıqlandırıb. Bunlar arasında 9 Aprel etirazları, Çeçenistan müharibəsi və Gürcüstanın müxtəlif bölgələrində baş vermiş münaqişələr də var. 24News.ge xəbər verir ki, onun fotoarxivinin bir hissəsini bir nəşrdə toplamaq məqsədilə Gürcüstan Mədəniyyət Nazirliyi və Gürcüstan Jurnalistlər Federasiyasının birgə layihəsi çərçivəsində kitab-albom nəşr olunub. Gürcü və ingilis dillərində hazırlanan nəşr “CEZANNE” mətbəəsində “Creative Georgia”nın dəstəyi ilə çap edilib. Layihənin müəllifi və rəhbəri Qiorqi Mamatsaşvilidir. Şahvələd Ayvazov 1956-cı il iyunun 26-da Tbilisidə anadan olub. O, fotoqrafiyaya məktəb illərində, yeddinci sinifdə oxuyarkən, ilk kadrlarını “Smena” markalı fotoaparatla çəkdikdən sonra maraq göstərməyə başlayıb. O, Tbilisi Dövlət Universitetinin Jurnalistika fakültəsini bitirib. Peşəkar fəaliyyətinə “Sakinform” informasiya agentliyində fotomüxbir kimi başlayıb. 1992-ci ildən bu günədək beynəlxalq Associated Press (AP) informasiya agentliyi ilə əməkdaşlıq edir. Şahvələd Ayvazov müharibə və silahlı qüvvələr veteranı, həmçinin Gürcüstan Jurnalistlər Federasiyasının İdarə Heyətinin üzvüdür. O, “Şərəf” ordeni, Aleksandr Roinaşvili adına diplom və Gürcüstan Müdafiə Nazirliyinin Qran-prisi ilə təltif olunub. Eyni zamanda beynəlxalq fotomüsabiqələrin iştirakçısı və laureatıdır. Hazırda o, fəaliyyət göstərən azərbaycandilli “Gürcüstan” qəzetində çalışır.

www.24news.ge

Tanınmış fotojurnalist Şahvələd Ayvazovun Tbilisidə kitab-albomu nəşr olunub

Digər xəbərlər