Qarşılıqlı mübahisə zəmnində azyaşlı bıçaqlanıb

Tbilisidə 15 yaşlı yeniyetmənin bıçaqlanması hadisəsi ilə bağlı yeni məlumatlar yayılıb. 24News.ge xəbər verir ki, ilkin məlumata əsasən, yeniyetmə 26 yaşlı kişi tərəfindən soyuq silahla bıçaqlanıb. Hadisə paytaxtın Vaşlicvari qəsəbəsində baş verib. Yerli sakinlərin sözlərinə görə, kişi həyətdə oynayan uşaqlarla səs-küyə görə mübahisə edib, daha sonra isə onlardan birini bıçaqlayıb. Yaralanan məktəbli xəstəxanaya çatdırılıb. Yeniyetmənin ailə üzvləri onun vəziyyətinin kritik-ağır olduğunu bildiriblər. Onların sözlərinə görə, yeniyetmənin bədənində çoxsaylı bıçaq xəsarətləri var və o, təcili əməliyyat olunub. Daxili İşlər Nazirliyinin məlumatına əsasən, hüquq-mühafizə orqanları azyaşlının sağlamlığına qəsdən ağır xəsarət yetirməkdə təqsirləndirilən bir nəfəri saxlayıb. Polis cinayətin törədilməsində istifadə olunan bıçağı maddi sübut kimi götürüb. Faktla bağlı Cinayət Məcəlləsinin 117-ci maddəsinin 3-cü hissəsi ilə istintaq aparılır. Həmin maddə 13 ilədək azadlıqdan məhrumetmə cəzasını nəzərdə tutur.

www.24news.ge

Qarşılıqlı mübahisə zəmnində azyaşlı bıçaqlanıb

Digər xəbərlər