"Mamed Gaz" Prezidentə və digər dövlət qurumlarına müraciət edib - Şirkət 1,3599 tarifin təsdiqlənməsini tələb edir

Marneuli bələdiyyəsinin Qızılhacılı kəndində fəaliyyət göstərən "Mamed Gaz" MMC Gürcüstan Prezidenti, Baş naziri, Parlament sədri və Dövlət Təhlükəsizliyi Xidmətinin rəhbərinə rəsmi müraciət ünvanlayıb. 24News.ge xəbər verir ki, şirkətin prezidenti Nəriman Allahverdiyevin imzası ilə göndərilən müraciətdə Gürcüstanın Vergi Məcəlləsinin 136 və 275-ci maddələrinə uyğun tərtib edilmiş Forma №2 əsasında təbii qaz tarifinin ƏDV daxil olmaqla 1,3599 lari məbləğində təsdiqlənməsinin xahiş olunduğu bildirilir. Şirkət qeyd edir ki, tariflə bağlı rəsmi cavabın 2026-cı il 10 iyul saat 11:00-dək təqdim edilməsi vacibdir. Müraciətdə bunun səbəbi kimi həmin tarixdə abonentlər üçün tarif hesablamalarının aparılacağı göstərilir. "Mamed Gaz" cavabın elektron qaydada həm şirkətə, həm də müraciətin göndərildiyi digər dövlət qurumlarına təqdim olunmasını xahiş edir. Müraciətə əlavə olaraq şirkətin 2025-ci il üzrə illik vergi bəyannaməsi və Forma №2 (tarif sənədi) də təqdim edilib. Təqdim olunan 2025-ci il vergi bəyannaməsinə əsasən, "Mamed" MMC-nin əsas fəaliyyət istiqaməti magistral boru xətləri vasitəsilə istehlakçılara təbii qazın satışı olub. Sənəddə şirkətin ümumi gəlirləri, xərcləri və vergi öhdəlikləri barədə məlumatlar da əks olunub.

www.24news.ge

"Mamed Gaz" Prezidentə və digər dövlət qurumlarına müraciət edib - Şirkət 1,3599 tarifin təsdiqlənməsini tələb edir

Digər xəbərlər