Gürcüstan nümayəndə heyəti ATƏT PA-da səsverməni boykot edib və iclas zalını tərk edib

Gürcüstan nümayəndə heyəti etiraz əlaməti olaraq ATƏT-in Parlament Assambleyasının plenar iclasında “Haaqa Bəyannaməsi” üzrə keçirilən səsvermədə iştirakdan imtina edib. 24News.ge xəbər verir ki, bu barədə səsvermədən əvvəl Gürcüstan parlamentinin Xarici Əlaqələr Komitəsinin sədri Nikoloz Samxaradze bəyanatla çıxış edib. Samxaradze bildirib ki, bəyannamənin yenilənmiş variantının bəzi hissələri Gürcüstandakı siyasi reallığı qəsdən təhrif edir, faktları saxtalaşdırır, dövlət institutlarına qarşı törədilmiş zorakı hücumları tamamilə görməzlikdən gəlir, seçki müşahidə missiyalarının və “Moskva Mexanizmi” hesabatlarını özbaşına şərh edir və bununla da Gürcüstanın milli maraqlarına təhlükə yaradır. Bu səbəbdən, onun sözlərinə görə, Gürcüstan nümayəndə heyəti etiraz əlaməti olaraq səsvermədə iştirak etməyəcək. Samxaradze əlavə edib ki, belə qərarın məhz beynəlxalq hüququn paytaxtı sayılan Haaqada qəbul edilməsinin xüsusilə təəssüf doğurduğunu bildirib. ATƏT Parlament Assambleyasının prezidenti Pere Joan Pons isə Samxaradzenin çıxışına cavab olaraq parlamentdə yerlərin boş saxlanılmasının heç vaxt düzgün seçim olmadığını bildirib. O qeyd edib ki, demokratiya ilk növbədə münaqişələrin birgə dialoq yolu ilə həllinə əsaslanır və parlamentdə iştirakdan imtina ən pis variant hesab olunur. Qeyd edək ki, Gürcüstan nümayəndə heyəti iclas zalını tərk etdikdən bir neçə dəqiqə sonra ATƏT Parlament Assambleyası “Haaqa Bəyannaməsi”ni qəbul edib. Sənədə Gürcüstanla bağlı “Gürcüstanda seçkilərin bütövlüyünün və fundamental azadlıqların qorunması” adlı qətnamə də daxildir. Həmin qətnamənin əsas müəllifi ABŞ Konqresinin üzvü Co Uilsondur.

www.24news.ge

Gürcüstan nümayəndə heyəti ATƏT PA-da səsverməni boykot edib və iclas zalını tərk edib

Digər xəbərlər