Ərdoğan NATO sammitində Türkiyənin strateji və təhlükəsizlik hədəflərini açıqladı

"Türkiyə Haaqada qəbul edilən 2035-ci il hədəfinə - 5 faizlik göstəriciyə planlaşdırırldığından 5 il əvvəl çatmağı nəzərdə tutub". 24News.ge xəbər verir ki, bu barədə Prezident Rəcəb Tayyib Ərdoğan Ankarada baş tutan NATO sammitində çıxış edərkən bildirib. Onun sözlərinə görə, Türkiyə 2030-cu ildən əvvəl müdafiə xərclərinin payını 3.5 faiz səviyyəsinə qaldırmaq üçün müvafiq tədbirlər görüb. Təhlükəsizlik və dayanıqlılığa aid xərclərdə isə artıq 1.5 faizlik büdcə həcminə nail olub: "İstehsal və ixrac imkanlarına görə dünyanın ən qabaqcıl 10 ölkəsi sırasına daxil ola bilmişik. Alyansın bizə ayırdığı 361 qabiliyyət hədəfinin mütləq əksəriyyətini 3 il ərzində - nəzərdə tutulan tarixdən də əvvəl yerinə yetirəcəyik. İttifaq çərçivəsində ən çox ehtiyac duyulan hava və raket hücumundan müdafiə qabiliyyətləri üçün "Polad qübbə" layihəmizə əlavə 24 milyard dollar vəsait ayırmışıq. Avropa qitəsində ən böyük quru qoşunlarına malik bir dövlət kimi qabiliyyətlərimizi ehtiyac yarandığı təqdirdə İttifaqın xidmətinə təqdim etməyə çalışırıq. PUA və SİHA-ları real döyüş şəraitində uğurla sınaqdan keçirən və istifadə edən bir müttəfiq olaraq, yaradılmasını planlaşdırdığımız İnsansız Sistemlərə Qarşı Mübarizə üzrə Mükəmməllik Mərkəzimizin NATO tərəfindən akkreditasiya olunmasına ümid edirik. Düşünürəm ki, bu mərkəz xüsusən hava və dəniz pilotsuz aparatlarının təhdidlərinə qarşı müqavimət gücümüzü daha da artıracaq", - deyə Ərdoğan çıxışında qeyd edib.

www.24news.ge

Ərdoğan NATO sammitində Türkiyənin strateji və təhlükəsizlik hədəflərini açıqladı

Digər xəbərlər