Gürcüstan parlamenti Belqrad Bəyannaməsinə qoşulub

Gürcüstan parlamenti Serbiyanın paytaxtı Belqradda keçirilən Avropa İttifaqına üzvlüyə namizəd ölkələrin parlament sədrlərinin ilk konfransı çərçivəsində qəbul edilən Belqrad Bəyannaməsinə qoşulub. 24News.ge xəbər verir ki, bu barədə Gürcüstan parlamentinin mətbuat xidməti məlumat yayıb. Məlumata görə, bəyannamədə parlamentlərin Avropaya inteqrasiya prosesində mühüm rolu xüsusi vurğulanır. Sənəddə, həmçinin, Aİ-yə namizəd ölkələrin parlament sədrlərinin hər il görüş keçirməsi barədə razılıq əldə olunduğu bildirilib. Qeyd olunub ki, bu görüşlər siyasi dialoqun və parlamentlərarası əməkdaşlığın daha da dərinləşdirilməsi üçün daimi platforma rolunu oynayacaq. Bildirilib ki, Avropa İttifaqına üzvlüyə namizəd ölkələrin parlament sədrlərinin növbəti konfransı 2027-ci ildə Moldovada keçiriləcək.

www.24news.ge

Gürcüstan parlamenti Belqrad Bəyannaməsinə qoşulub

Digər xəbərlər