Tbilisidə binada baş verən yanğın bir nəfərin həyatına son qoyub

Tbilisinin Vazisubani qəsəbəsində yaşayış binasında baş verən yanğın bir nəfərin ölümü ilə nəticələnib. 24News.ge xəbər verir ki, bu barədə Fövqəladə Halların İdarə Olunması Xidmətindən bildirilib. Məlumata əsasən, yanğının söndürülməsi zamanı xilasedicilər orta yaşlı qadının meyitini aşkar ediblər. Bundan əvvəl isə üç nəfər təhlükəsiz şəkildə binadan təxliyə olunub. Mərhumun ailə üzvünün sözlərinə görə, yanğın mətbəxdə başlayıb. O bildirib ki, güclü külək nəticəsində pərdə qaz sobasına toxunub, bundan sonra alov taxta masaya keçərək sürətlə yayılıb. “İçəri girəndə artıq güclü yanğın var idi. İki nəfər idik. Ona dəfələrlə ‘çıx’ deyə səsləndim, amma çıxmadı. Dumanın yayılmaması üçün qapını içəridən bağladı”, – deyə mərhumun yaxınlarından biri bildirib.

www.24news.ge

Tbilisidə binada baş verən yanğın bir nəfərin həyatına son qoyub

Digər xəbərlər