Silahlı insident: iki nəfər yaralanıb

Daxili İşlər Nazirliyinin əməkdaşları Tbilisinin Vaşlicvari qəsəbəsində iki nəfərin güllələnməsi faktı ilə bağlı bir nəfəri saxlayıblar. 24News.ge xəbər verir ki, bu barədə nazirliyin mətbuat xidməti məlumat yayıb. Məlumata görə, hadisə iyulun 4-də Vaşlicvari ərazisində baş verib. Bir neçə nəfər arasında məişət zəminində başlayan mübahisə sonradan fiziki qarşıdurmaya çevrilib. Qarşıdurma zamanı iştirakçılardan biri odlu silahdan atəş açaraq iki nəfəri yaralayıb. Yaralılar xəstəxanaya çatdırılıb. Həkimlərin məlumatına görə, onların həyatı təhlükədə deyil. Hüquq-mühafizə orqanlarının əməkdaşları həyata keçirdikləri əməliyyat-axtarış və istintaq tədbirləri nəticəsində hadisəni törətməkdə şübhəli bilinən şəxsi qısa müddət ərzində, "isti izlərlə" saxlayıblar. Faktla bağlı Cinayət Məcəlləsinin qəsdən sağlamlığa ağır zərər vurma və qanunsuz silah əldə etmə, saxlama və gəzdirməni nəzərdə tutan 117-ci və 236-cı maddələri ilə istintaq aparılır. Təqsiri sübuta yetiriləcəyi halda saxlanılan şəxsi 13 ilədək azadlıqdan məhrumetmə cəzası gözləyir.

www.24news.ge

Silahlı insident: iki nəfər yaralanıb

Digər xəbərlər