Qonşular arasında baş verən insident ölümlə nəticələnib

Kutaisidə qonşular arasında baş verən insident ölümlə nəticələnib. 24News.ge xəbər verir ki, bu barədə Daxili İşlər Nazirliyi məlumat yayıb. Nazirliyin məlumatına görə, istintaqla müəyyən edilib ki, saxlanılan şəxs Kutaisidə məişət zəminində baş vermiş mübahisə zamanı qonşuluqda yaşayan kişiyə soyuq silahla xəsarət yetirib və hadisə yerindən qaçıb. Yaralı xəstəxanaya çatdırılsa da, aldığı xəsarətlərdən qısa müddət sonra dünyasını dəyişib. Hüquq-mühafizə orqanlarının əməkdaşları həyata keçirdikləri operativ-axtarış və istintaq tədbirləri nəticəsində şübhəlini hadisədən qısa müddət sonra saxlayıblar. Faktla bağlı Cinayət Məcəlləsinin qəsdən adamöldürməni nəzərdə tutan 108-ci maddəsi ilə istintaq aparılır. Təqsiri sübuta yetiriləcəyi halda saxlanılan şəxsi 15 ilədək azadlıqdan məhrumetmə cəzası gözləyir.

www.24news.ge

Qonşular arasında baş verən insident ölümlə nəticələnib

Digər xəbərlər