Tbilisidə amansızca qətlə yetirilən Fatimə Kərimova ilə bağlı yeni detallar məlum olub

Paytaxt Tbilisidə baş vermiş ağır qətl hadisəsinin yeni təfərrüatları məlum olur. 24News.ge xəbər verir ki, iyunun 26-da kirayə mənzildə qətlə yetirilən Azərbaycan vətəndaşı 21 yaşlı qız Fatimə Kərimovadır. Məlumata görə, xalası oğlu 21 yaşlı qızı iki həftə ərzində kilidli saxlayıb, vəhşicəsinə döyüb, daha sonra isə boğaraq öldürüb. Yayılan məlumata görə, azərbaycanlı qız Tbilisiyə sevgilisi ilə birlikdə gəlib, lakin cütlüyün pulu bitdikdən sonra oğlan qızı küçədə qoyaraq özü Azərbaycana qayıdıb. Hüquq müdafiəçilərinin sözlərinə görə, Fatimə Kərimovaya ilkin olaraq Gürcüstan vətəndaşı sığınacaq verib, bir neçə gündən sonra isə qohumu xalası oğlu gələrək ona mənzil kirayələyəcəyini deyib. Lakin sonradan məlum olub ki, onun niyyəti kömək etmək deyil, qızı qətlə yetirmək olub. Qətlə yetirilən qızın yaxınları sosial şəbəkədə yazırlar ki, 21 yaşlı qız yetim idi və geridə yalnız 19 yaşlı bacısı qalıb. Gənc qızın qətli barədə məlumatı sosial şəbəkədə "Sapari" təşkilatının rəhbəri Baia Pataraia yayıb.

www.24news.ge

Tbilisidə amansızca qətlə yetirilən Fatimə Kərimova ilə bağlı yeni detallar məlum olub

Digər xəbərlər