Nazir məktəbli formaları ilə bağlı yeni detallar açıqlayıb

2026–2027-ci tədris ilindən etibarən Gürcüstanın dövlət məktəblərində ibtidai sinif şagirdləri üçün məktəbli forması məcburi olacaq. 24News.ge xəbər verir ki, Təhsil, Elm və Gənclər naziri yaxın günlərdə məktəbli formalarının qiymətinin Nazirlik tərəfindən müəyyən ediləcəyini açıqlayıb. Nazirin sözlərinə görə, ibtidai sinif şagirdlərinin forma ilə təmin edilmələsi üç mərhələdən ibarət olacaq: “Bu il məktəb formalarının təchizatı üç mərhələdə həyata keçiriləcək. Sentyabrın 15-də bütün birinci sinif şagirdləri məktəbə üzərində sol tərəfdə Gürcüstanın dövlət gerbi əks olunmuş yeni gürcü məktəb forması ilə gedəcəklər. Birinci semestr ərzində isə birinci sinifdən altıncı sinif daxil olmaqla bütün şagirdlər məktəb forması ilə təmin olunacaqlar. Valideynlərə əvvəlcədən satış məntəqələri barədə ətraflı məlumat veriləcək. Bu məntəqələr həm regionlarda, həm də şəhərlərdə fəaliyyət göstərəcək. Bütün proses maksimum dərəcədə təşkil olunacaq. Regional İnkişaf Nazirliyinə, dövlət nümayəndələrinə (qubernatorlara) və bələdiyyələrin nümayəndələrinə xüsusi təşəkkürümü bildirmək istəyirəm. Onlar bu prosesdə çox fəal iştirak edir və bizə maksimum dəstək göstərirlər”. Nazirin sözlərinə görə, sosial cəhətdən aztəminatlı (reytinq balı 65 000 və daha aşağı olanlar) ailələrin övladlarına formalar ödənişsiz veriləcək.

www.24news.ge

Nazir məktəbli formaları ilə bağlı yeni detallar açıqlayıb

Digər xəbərlər