Atif Abbasovun abituriyentlər üçün hazırladığı sınaq imtahanları toplusu çapdan çıxıb

Riyaziyyat və məntiq müəllimi Atif Abbasovun müəllifi olduğu "Abituriyentlər üçün nəzərdə tutulan sınaq imtahanları – Test toplusu" adlı kitab çapdan çıxıb. 24News.ge xəbər portalına müəllifin verdiyi məlumata görə, kitab "1+4" modeli çərçivəsində son illərin qəbul imtahanı formatı nəzərə alınmaqla hazırlanıb. Atif Abbasov bildirib ki, nəşrdə həm əvvəlki illərin imtahan modelləri, həm də builki qəbul imtahanlarında təqdim oluna biləcək ehtimal olunan sual tiplərinə uyğun və oxşar testlər yer alıb. Kitab verbal və riyazi hissələr üzrə testlərdən, eləcə də sınaq imtahanlarından ibarətdir. Atif Abbasov bildirib ki, vəsait abituriyentlərin qəbul imtahanlarına daha səmərəli hazırlaşmasına kömək etmək məqsədilə hazırlanıb. Müəllif kitabın nəşrinə dəstək göstərən şəxslərə də təşəkkür edib. O, Bütün Gürcüstan Müsəlmanları İdarəsinin Şeyxi Hacı Faiq Nəbiyevə, imamcümələr Hacı Əziz Nəbiyevə və Hacı Hacıyevə, bələdiyyə deputatı Anar Piriyevə, həmçinin Gürcüstan Əhli-Beyt Cəmiyyətinin rəhbəri Hacı Rasim Məmmədova göstərdikləri dəstəyə görə minnətdarlığını ifadə edib. Atif Abbasov kitabın abituriyentlər üçün faydalı vəsait olacağına inandığını bildirərək, bütün namizədlərə qəbul imtahanlarında uğurlar arzulayıb.

www.24news.ge

Atif Abbasovun abituriyentlər üçün hazırladığı sınaq imtahanları toplusu çapdan çıxıb

Digər xəbərlər