Əzizkənd sakinləri yol və sahilbərkitmə probleminin həllini tələb edirlər (VİDEO)

Marneuli bələdiyyəsinin Əzizkənd kəndində Algeti çayının sağ sahilində yaşayan 100-dən çox ailə uzun illərdir müxtəlif infrastruktur problemləri ilə üzləşdiklərini bildirirlər. 24News.ge xəbər portalına müsahibə verən sakinlərin sözlərinə görə, yaşayış məntəqəsinə aparan yol hazırda bərbad vəziyyətdədir. Onlar bildirirlər ki, yolun yararsız olması gündəlik hərəkəti çətinləşdirir və nəqliyyat vasitələrinin gediş-gəlişində ciddi problemlər yaradır. Kənd sakinlərinin sözlərinə əsasən, Algeti çayı boyunca sahilbərkitmə işlərinin aparılmaması da əsas problemlərdən biridir. Onların bildirdiyinə görə, hər il çay daşdıqda yol infrastrukturu zədələnir, əkin sahələri su altında qalaraq məhv olur və sakinlərə ciddi maddi ziyan dəyir. Əzizkənd sakinləri aidiyyəti dövlət qurumlarını yolun bərpası və Algeti çayı boyunca sahilbərkitmə işlərinin həyata keçirilməsi ilə bağlı tədbirlər görməyə çağırırlar. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Əzizkənd sakinləri yol və sahilbərkitmə probleminin həllini tələb edirlər (VİDEO)

Digər xəbərlər