Gürcüstanda əhalinin dini və dil tərkibi açıqlanıb, müsəlmanlar 11,1 faiz təşkil edir

Milli Statistika Xidməti Gürcüstanda əhalinin dini və dil tərkibini açıqlayıb. 24News.ge xəbər verir ki, bu barədə qurumun rəhbəri Gogita Todradze keçirdiyi birinfq zamanı məlumat verib. Onun sözlərinə görə, Gürcüstan əhalisinin 82 faizi, yəni təxminən 3 milyon 223 min nəfər pravoslav xristiandır. Bu göstərici son 10 il ərzində 4,1 faiz və ya 126 min nəfər artıb. Statistikaya əsasən, ölkədə daimi yaşayan müsəlman əhalinin payı 11,1 faiz təşkil edir. Digər dini qruplar isə belə bölünür: erməni apostol kilsəsinə mənsub olanlar 2,6 faiz, katoliklər 0,6 faiz, digər dinlərin nümayəndələri isə ümumilikdə 3,8 faizdir. Dil göstəricilərinə dair məlumatda qeyd olunur ki, əhalinin 85 faizi üçün gürcü dili ana dilidir. Bu göstərici son 10 ildə 2,7 faiz və ya təxminən 89 min nəfər artıb. Eyni zamanda, 6,8 faiz üçün ana dili azərbaycan dili, 3,5 faiz üçün erməni dili, 1,4 faiz üçün isə rus dili hesab olunur.

www.24news.ge

Gürcüstanda əhalinin dini və dil tərkibi açıqlanıb, müsəlmanlar 11,1 faiz təşkil edir

Digər xəbərlər