4 oktyabr işi üzrə səkkiz nəfərə hökm oxunub

Tbilisi Şəhər Məhkəməsi 4 oktyabr hadisələri ilə bağlı cinayət işi üzrə təqsirləndirilən səkkiz nəfər barəsində hökm çıxarıb. 24News.ge xəbər verir ki, məhkəmənin qərarına əsasən, Zurab Çavçanidze, Vladimer Qvelesiani, Amiran Dolişvili, Anton Vardanidze, Aleksandre Çilaçava, Qenadi Kupreişvili, Sulxan Tuğuşi və Ramaz Mamuladze 5 il müddətinə azadlıqdan məhrum ediliblər. Təqsirləndirilən şəxslər strateji və xüsusi əhəmiyyətli obyektin qrup halında ələ keçirilməsinə cəhd göstərməkdə, eləcə də qrup şəklində zorakılıqda iştirak etməkdə ittiham olunurlar. Sözügedən cinayətlərə görə qanunvericilikdə 6 ilədək azadlıqdan məhrumetmə cəzası nəzərdə tutulur. Bu epizod üzrə ümumilikdə 14 nəfər ittiham olunurdu. Onlardan altı nəfəri ilə prosessual razılaşma əldə olunub və onlar məhkəmə zalından azadlığa buraxılıblar.

www.24news.ge

4 oktyabr işi üzrə səkkiz nəfərə hökm oxunub

Digər xəbərlər