Zaxarova: "Tbilisidə Rus dili günü tədbirinin pozulması cəhdinə hüquqi qiymət verilməsini gözləyirik"

Rusiya Xarici İşlər Nazirliyinin rəsmi nümayəndəsi Maria Zaxarova Tbilisidə keçirilən Rus dili günü tədbirinin pozulması cəhdi ilə bağlı Gürcüstan hüquq-mühafizə orqanlarının müvafiq qiymət verəcəyini gözlədiklərini bildirib. 24News.ge xəbər verir ki, brifinq zamanı çıxış edən Zaxarova hadisəni təşkil edən şəxsləri “ekstremistlər” adlandıraraq onların davranışlarını pisləyib. “Bu, həqiqətən də ekstremistlər dəstəsi idi. Onların qeyri-etik hərəkətləri üzərində ətraflı dayanmaq istəmirəm ki, bu məsələyə əlavə diqqət çəkməyək”, – deyə o bildirib. Zaxarova qeyd edib ki, həmin gün Batumidə gürcü məktəblərinin şagird və müəllimlərinin iştirakı ilə oxşar tədbir keçirilib və heç bir insident baş verməyib: “Gözləyirik ki, Gürcüstanın hüquq-mühafizə orqanları nəticə çıxarsın və radikalların, ekstremistlərin və ya xuliqanların hərəkətlərinə müvafiq hüquqi qiymət versin. Onların hansı kateqoriyaya aid olduqlarını artıq Gürcüstan hüquq-mühafizə orqanları müəyyən etməlidir”, – deyə Rusiya XİN sözçüsü vurğulayıb. O əlavə edib ki, hüquq-mühafizə orqanları həmin şəxsləri müəyyən edib məsuliyyətə cəlb etməlidir: “Bəlkə də onları cəzalandırmaqla yanaşı, kitab da vermək lazımdır ki, Andronikovun kim olduğunu öyrənsinlər. Ola bilsin, bu yolla pul qarşılığında və ya millətçilik hisslərinin təsiri altında rus şairlərini təhqir edən insanları xilas etmək mümkün olar”, – deyə Zaxarova bildirib.

www.24news.ge

Zaxarova: "Tbilisidə Rus dili günü tədbirinin pozulması cəhdinə hüquqi qiymət verilməsini gözləyirik"

Digər xəbərlər