İrakli Kobaxidzenin Tacikistana rəsmi səfəri başlayıb (FOTO)

Baş nazir İrakli Kobaxidzenin Tacikistan Respublikasına rəsmi səfəri başlayıb. 24News.ge xəbər verir ki, Hökumət Administrasiyasının yaydığı məlumata görə, Düşənbə Beynəlxalq Hava Limanında hökumət başçısının qarşılanma mərasimi keçirilib. İrakli Kobaxidzeni Tacikistanın Baş naziri Kohir Rasulzoda qarşılayıb. Mərasim zamanı hər iki ölkənin dövlət himnləri səsləndirilib, daha sonra baş nazirlər nazirlər kabinetlərinin üzvlərini bir-birinə təqdim ediblər. Baş nazir Tacikistan Prezidenti Emoməli Rəhmon ilə görüş keçirib. Baş nazir səmimi qəbula görə Tacikistan prezidentinə təşəkkür edib və dövlət başçısı səviyyəsində reallaşan ilk səfərin ikitərəfli əməkdaşlığı keyfiyyətcə yeni mərhələyə daşıyacağına ümid etdiyini bildirib. Geniş tərkibdə keçirilən görüşdə tərəflər Gürcüstan-Tacikistan münasibətlərinin inkişaf perspektivlərini, eləcə də regional və beynəlxalq əhəmiyyətli məsələləri müzakirə ediblər. Danışıqlar zamanı ticarət-iqtisadi əməkdaşlığın dərinləşdirilməsi, nəqliyyat-logistika sahəsində tərəfdaşlığın genişləndirilməsi məsələlərinə xüsusi diqqət yetirilib. Tərəflər həmçinin mədəni-humanitar əlaqələr və turizm sahəsində əməkdaşlıq imkanlarını nəzərdən keçiriblər. Qeyd olunub ki, bu istiqamətlərdə əməkdaşlığın gücləndirilməsi xalqlar arasında əlaqələrin daha da möhkəmlənməsinə töhfə verəcək. Görüşün yekununda Baş nazir İrakli Kobaxidze və Prezident Emoməli Rəhmon iki ölkə arasında münasibətlərin gələcək inkişafı və möhkəmləndirilməsi ilə bağlı birgə kommunike qəbul ediblər.

www.24news.ge

İrakli Kobaxidzenin Tacikistana rəsmi səfəri başlayıb (FOTO)

Digər xəbərlər