TƏCİLİ: İran İsrailə raket zərbələri endirib

İrandan İsrail istiqamətində ballistik raketlər buraxılıb. 24News.ge xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb. Məlumata görə, İsrailin şimal bölgələrinin böyük hissəsində, o cümlədən Hayfa ətrafında hava həyəcanı elan edilib. Bazar günü axşam İranın İsrailə endirdiyi zərbə Təl-Əvivə Livana hücumları dayandırmaq üçün göndərilmiş xəbərdarlıq olub. Bunu İranın ali liderinin hərbi müşaviri Möhsün Rzayi X səhifəsində yazıb. Onun sözlərinə görə, İran İslam Respublikası dəfələrlə atəşkəs rejiminin pozulmasına və Livana qarşı təcavüzə dözməyəcək: “Bu axşam təcavüzkarlar öz cavablarını aldılar. Bu cavab onların cinayətlərini dayandırmaları üçün xəbərdarlıqdır”. İran İslam İnqilabı Keşikçiləri Korpusunun açıqlamasında deyilir: "Bu əməliyyat birdəfəlik deyil, növbəti həftə ərzində davamlı hücumların başlanğıcıdır. Raket və dron dalğalarının atılması düşmən cinayətkar hərəkətlərini dayandırana qədər növbəti yeddi gün, günün 24 saatı davam edəcək". Bundan əlavə, bəyanata görə, İran ərazisinin hədəfə alınması bütün gözləntiləri aşacaq dağıdıcı və genişmiqyaslı cavabla nəticələnəcək.

www.24news.ge

TƏCİLİ: İran İsrailə raket zərbələri endirib

Digər xəbərlər