Tbilisidə insident: Polis əməkdaşı və digər bir nəfər bıçaqlanıb (VİDEO)

Daxili İşlər Nazirliyinin məlumatına görə, Tbilisidə Çuğureti rayonunda baş verən insident zamanı bir nəfər saxlanılıb. Hadisə nəticəsində bir vətəndaş və patrul-inspektor bıçaq xəsarətləri alıb. 24News.ge xəbər verir ki, nazirliyin açıqlamasında bildirilir ki, patrul polisi əməkdaşları xidmət zamanı əlində bıçaq olan bir şəxsi müşahidə ediblər. Həmin şəxs əvvəlcə bir vətəndaşa xəsarət yetirib və daha sonra onu təqib etməyə davam edib. Polis əməkdaşları onu dərhal dayanmağa çağırıblar, lakin şübhəli şəxs tələblərə tabe olmayaraq hüquq-mühafizə orqanlarına qarşı müqavimət göstərib və onlara hücum edib. Nəticədə o, patrul-inspektorlardan birini bıçaqla yaralayıb. Hüquq-mühafizə orqanları tərəfindən həyata keçirilən təqib nəticəsində həmin şəxs yaxınlıqda saxlanılıb və təqsirləndirilən şəxs qismində istintaqa cəlb edilib. Yaralanan vətəndaş və polis əməkdaşı xəstəxanaya yerləşdirilib. Həkimlərin məlumatına görə, onların həyatına təhlükə yoxdur. Faktla bağlı Cinayət Məcəlləsinin 19-108 və 353-cü prima maddələri üzrə cinayət işi açılıb. Qanunvericiliyə əsasən, bu əməllər 15 ilədək azadlıqdan məhrumetmə cəzası nəzərdə tutur.

www.24news.ge

Tbilisidə insident: Polis əməkdaşı və digər bir nəfər bıçaqlanıb (VİDEO)

Digər xəbərlər