Ermənistanda keçirilən parlament seçkilərinin seçici fəallığı açıqlanıb

Ermənistanda keçirilən növbədənkənar parlament seçkilərində səsvermənin başa çatmasına üç saat qalmış seçici fəallığı 48,92 faiz təşkil edib. 24News.ge xəbər verir ki, bu barədə Mərkəzi Seçki Komissiyası məlumat yayıb. Məlumata görə, İrəvan vaxtı ilə saat 17:00-a olan göstəricilərə əsasən, seçki hüququna malik 2 503 976 vətəndaşdan 1 224 957 nəfər səs verib. Məlumatda qeyd olunur ki, bu göstərici əvvəlki parlament seçkiləri ilə müqayisədə seçici fəallığının təxminən 11 faiz artdığını göstərir. Paytaxt İrəvanda isə seçici fəallığı 48,52 faiz olub. Ölkə seçicilərinin üçdə birindən çoxunun yaşadığı şəhərdə 412 168 nəfər səsvermədə iştirak edib.

www.24news.ge

Ermənistanda keçirilən parlament seçkilərinin seçici fəallığı açıqlanıb

Digər xəbərlər