Son dörd ayda Gürcüstandan xaricə 576,7 milyon dollarlıq məhsul ixrac edilib

Gürcüstanda istehsal olunan kənd təsərrüfatı və ərzaq məhsullarının ixracı artıb. 24News.ge xəbər verir ki, bu barədə Ətraf Mühitin Mühafizəsi və Kənd Təsərrüfatı Nazirliyi məlumat yayıb. Nazirliyin məlumatına görə, 2026-cı ilin yanvar–aprel aylarında Gürcüstandan ümumi dəyəri 576,7 milyon ABŞ dolları olan aqrar-ərzaq məhsulları ixrac edilib. Bu göstərici 2025-ci ilin eyni dövrü ilə müqayisədə 14 faiz çoxdur. Müqayisə üçün qeyd olunur ki, 2025-ci ilin analoji dövründə ölkədən 507,7 milyon ABŞ dolları dəyərində aqrar-ərzaq məhsulu ixrac edilib. Qurumun açıqlamasına əsasən, ixrac artımı əsasən fındığın (həm xammal, həm də emal olunmuş formada), alkoqolsuz qazlı içkilərin, mineral və içməli suların, eləcə də dəfnə yarpağının ixracının artması ilə bağlıdır.

www.24news.ge

Son dörd ayda Gürcüstandan xaricə 576,7 milyon dollarlıq məhsul ixrac edilib

Digər xəbərlər