Bıçaqlanma hadisəsi: İki nəfər yaralanıb, bir nəfər saxlanılıb

Tbilisidə baş verən bıçaqlanma hadisəsi nəticəsində iki nəfər ağır bədən xəsarətləri alıb. 24News.ge xəbər verir ki, Daxili İşlər Nazirliyindən verilən məlumata görə, hadisədən dərhal sonra şübhəli şəxs saxlanılıb. Nazirliyin yaydığı açıqlamada bildirilir ki, 1984-cü il təvəllüdlü şəxs mübahisə zəminində 1982-ci il təvəllüdlü və 1984-cü il təvəllüdlü şəxslərə bıçaqla müxtəlif dərəcəli xəsarətlər yetirib və hadisə yerindən qaçıb. Yaralılar dərhal xəstəxanaya çatdırılıb. Polis əməkdaşları tərəfindən həyata keçirilən operativ-istintaq tədbirləri nəticəsində təqsirləndirilən şəxs isti izlərlə saxlanılıb. Faktla bağlı Cinayət Məcəlləsinin 117-ci maddəsinin 3-cü hissəsinin "m" bəndi – iki və ya daha çox şəxsə qarşı qəsdən sağlamlığa ağır xəsarət yetirmə – ilə cinayət işi başlanılıb. Sözügedən maddə üzrə təqsirli bilinən şəxsi 9 ildən 13 ilədək azadlıqdan məhrumetmə cəzası gözləyir.

www.24news.ge

Bıçaqlanma hadisəsi: İki nəfər yaralanıb, bir nəfər saxlanılıb

Digər xəbərlər