Rusiya rəsmisi Gürcüstanın Aİ-yə üzvlük məsələsini şərh edib: "2030-cu ilə qədər Aİ-nin mövcud olacağı bəlli deyil"

Rusiya Xarici İşlər Nazirliyinin rəsmi nümayəndəsi Mariya Zaxarova Gürcüstanın Avropa İttifaqına (Aİ) üzvlük perspektivləri ilə bağlı açıqlama verib. 24News.ge xəbər verir ki, Zaxarova keçirdiyi brifinq zamanı bildirib ki, 2030-cu ilə qədər Aİ-nin mövcud olub-olmayacağı belə sual altındadır. “Əsas məsələ Gürcüstanın Aİ-yə üzv olmağa nə qədər hazır olub-olmaması deyil, həmin vaxta qədər ümumiyyətlə qoşulacaq bir yerin olub-olmayacağıdır”. O, Böyük Britaniyanın Aİ-dən çıxmasını xatırladaraq bildirib: “London yaxşı heç nədən çıxmadı. Bu, hər bir dövlətin suveren qərarıdır, lakin bu qərarlar yalnız şüarlara deyil, konkret rəqəmlərə əsaslanmalıdır”. Zaxarovanın sözlərinə görə, Aİ daxilindəki böhranlar göz önündədir və bu səbəbdən milli maraqlarını düşünən ölkələr üçün bu qurumun cazibəsi azalır: Rusiya rəsmisi həmçinin Moskva ilə Tbilisi arasında münasibətlərə toxunaraq bildirib ki, iki ölkə arasında biznes və humanitar sahələrdə əməkdaşlıq intensivləşir. Onun sözlərinə görə, Rusiya və Gürcüstan “rus və gürcü xalqlarının maraqlarına uyğun gələn” münasibətlərin normallaşmasına doğru irəliləyirlər. “Mövcud fikir ayrılıqları və diplomatik münasibətlərin olmamasına baxmayaraq, biz Gürcüstanla dialoqu davam etdiririk və ikitərəfli əlaqələri qarşılıqlı hörmət və fayda prinsipləri əsasında qurmağa çalışırıq”, – deyə Zaxarova vurğulayıb.

www.24news.ge

Rusiya rəsmisi Gürcüstanın Aİ-yə üzvlük məsələsini şərh edib: "2030-cu ilə qədər Aİ-nin mövcud olacağı bəlli deyil"

Digər xəbərlər