Tbilisi Dövlət Azərbaycan Dram Teatrı İtaliyada keçirilən beynəlxalq teatr festivalında iştirak edib (FOTO)

Heydər Əliyev adına Tbilisi Dövlət Peşəkar Azərbaycan Dram Teatrı İtaliyada keçirilən Beynəlxalq Teatr Festivalında iştirak edib. 24News.ge xəbər portalına teatrın mətbuat xidmətindən verilən məlumata əsasən, dram teatrın sənətçiləri Pərvin Nurəliyevanın “Mən öləndə ağlama” əsərinin motivləri əsasında hazırlanmış tamaşa ilə çıxış ediblər. Bildirilir ki, tamaşa uğurla nümayiş etdirilib və tamaşaçılar, teatr ekspertləri tərəfindən böyük maraqla və alqışlarla qarşılanıb. Festival iştirakçıları tərəfindən maraqla qarşılanan səhnə əsərində rolları Nərmin Həsənova, Telman İsfahanlı, Mədinə Həsənova, Fuad İsfahanlı və Turqay Vəlizadə ifa ediblər. Pərvin Nurəliyevanın “Mən öləndə ağlama” əsərinin motivləri əsasında hazırlanmış tamaşanın quruluşçu rejissoru teatrın bədii rəhbər və rejissoru Turqay Vəlizadədir. Qeyd edək ki, Heydər Əliyev adına Tbilisi Dövlət Peşəkar Azərbaycan Dram Teatrının qastrol səfəri Gürcüstan Mədəniyyət və İdman Nazirliyinin maddi dəstəyi ilə reallaşıb.

www.24news.ge

Tbilisi Dövlət Azərbaycan Dram Teatrı İtaliyada keçirilən beynəlxalq teatr festivalında iştirak edib (FOTO)

Digər xəbərlər