Gürcüstan yığmasının baş məşqçisi: "Belə turnirlərdə qələbə qazanmaq üçün bir az təcrübə çatışmır, lakin..."

"Belə böyük turnirlərdə qələbə qazanmaq üçün komandada bir az təcrübə çatışmır". 24News.ge xəbər verir ki, bunu Gürcüstan millisinin baş məşqçisi Villi Sanyol Avropa çempionatının final mərhələsindən sonra keçirilən mətbuat konfransında deyib. Mütəxəssis komandanın performansı ilə fəxr etdiyini söyləyib: "Kifayət qədər qol imkanlarımız oldu, amma onlardan istifadə edə bilmədik. Məğlubiyyətə baxmayaraq, fəxr edirik! Mikautadze həqiqətən tarixi qol vurdu və mən də onu təbrik etməyə qoşuluram. Məğlubiyyətə gəlincə, uduzmaq heç vaxt xoş deyil, amma biz gürcü futbolunu bu qədər müsbətə çevirdiyimiz üçün öz performansımızla fəxr edə bilərik. Düşünürəm ki, sonda Türkiyə qədər şansımız oldu. Qarşıdakı matçlarda bizim üçün faydalı olacaq və təcrübə əldə edəcəyik", - deyə Gürcüstan millisinin baş məşqçisi vurğulayıb. Məlumat üçün bildirək ki, Gürcüstanın milli futbol komandası tarixində ilk dəfə Avropa çempionatında çıxış edir. Gürcüstan millisi Avropa çempionatında ilk oyununu Türkiyəyə qarşı keçirib. Qarşılaşma 3:1 hesabı ilə Türkiyə millisinin xeyrinə başa çatıb. Gürcüstan yığması iyunun 22-də Hamburqda Çexiya, iyunun 26-da Gelzenkirxendə Portuqaliya millisi ilə qarşılaşacaq.

www.24news.ge

Gürcüstan yığmasının baş məşqçisi: "Belə turnirlərdə qələbə qazanmaq üçün bir az təcrübə çatışmır, lakin..."

Digər xəbərlər