Marneulidə Türkiyə Cümhuriyyətinin yaranmasının ildönümünə həsr olunmuş tədbir keçirilib (VİDEO)

Marneuli şəhərində fəaliyyət göstərən “Beynəlxalq Maarif Məktəbi”ndə Türkiyə Cümhuriyyətinin yaranmasının ildönümünə həsr olunmuş bayram tədbiri təşkil edilib. 24News.ge xəbər verir ki, tədbirdə məktəbin rəhbərliyi, müəllimlər və şagirdlərlə yanaşı, Türkiyə səfirliyinin nümayəndələri və ictimaiyyət təmsilçiləri də iştirak ediblər. Tədbir çərçivəsində Türkiyə Cümhuriyyətinin yaranma tarixi, ölkənin müstəqillik uğrunda mübarizəsi və bu əlamətdar günün türk xalqı üçün daşıdığı tarixi əhəmiyyət barədə çıxışlar səsləndirilib. Məktəbin rəhbəri Ali Yetkin, Beynəlxalq Maarif Vəqfinin Gürcüstan təmsilçisi Faruk Tekşin, Türkiyə səfirliyinin nümayəndələri və Gürcüstan ictimaiyyətinin təmsilçiləri çıxışlarında Cümhuriyyət Gününün əhəmiyyətindən bəhs edib, Türkiyə xalqını bu əlamətdar gün münasibətilə təbrik ediblər. Bayram proqramı çərçivəsində şagirdlər Türkiyənin tarixi və mədəniyyətinə həsr olunmuş təqdimatlarla çıxış edib, həmçinin Azərbaycan, Gürcüstan və Türkiyənin milli rəqslərini nümayiş etdiriblər. Rəngarəng çıxışlar iştirakçılara üç xalqın zəngin mədəni irsini və milli dəyərlərini bir arada görmək imkanı yaradıb. Tədbirin sonunda “Beynəlxalq Maarif Məktəbi”nin Marneuli filialının müxtəlif sahələrdə uğur qazanan və fərqlənən şagirdlərinə nailiyyətlərinə və çıxışlarına görə sertifikatlar və digər mükafatlar təqdim olunub. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Marneulidə Türkiyə Cümhuriyyətinin yaranmasının ildönümünə həsr olunmuş tədbir keçirilib (VİDEO)

Digər xəbərlər