Marneulidə 10 müəllimin hər birinə 2 500 lari veriləcək

Bu gün, 27 oktyabr tarixində Marneuli Bələdiyyəsinin Sakrebulosu Milli Müəllim Mükafatına təqdim olunan yerli pedaqoqların mükafatlandırılmasını nəzərdə tutan qərar layihəsini dəstəkləyib. 24News.ge xəbər verir ki, məsələni müzakirəyə Marneuli meriyasının İnzibati Xidmətinin rəhbəri Mamuka Şubitidze təqdim edib. O bildirib ki, təşəbbüs Marneuli meri Daur İsmayılova məxsusdur. Sakrebulo deputatları məsələ ilə bağlı müsbət qərar qəbul edərək müvafiq sərəncamı təsdiqləyiblər. Qərara əsasən, Milli Müəllim Mükafatına təqdim olunan hər bir pedaqoqa 2 500 lari veriləcək. Marneuli Bələdiyyəsindən Milli Müəllim Mükafatına təqdim olunan pedaqoqlar aşağıdakılardır: Şorena Xuxua – Marneuli şəhər 2 saylı dövlət məktəbinin gürcü dili və ədəbiyyatı müəllimi. Elnara Amiraslanova – Marneuli şəhər 3 və 6 saylı dövlət məktəblərinin xüsusi müəllimi. Cülyetta Kvaraya – Marneuli şəhər 1 saylı və İmir kənd dövlət məktəblərinin ikinci dil kimi gürcü dili müəllimi. Xalida Qəhrəmanova – Böyük Bəylər və Qızılhacılı kənd 2 saylı dövlət məktəblərinin xüsusi müəllimi. Nona Devadze – Marneuli şəhər 3 və 5 saylı dövlət məktəblərinin ikinci dil kimi gürcü dili və vətəndaş təhsili müəllimi. Növrəstə Mustafayeva – Ulaşlı kənd dövlət məktəbinin ikinci dil kimi gürcü dili müəllimi. Könül Musayeva – Kirovka kənd dövlət məktəbinin Azərbaycan dili müəllimi. Kifayət Cəfərli – Marneuli şəhər 1 saylı dövlət məktəbinin ikinci dil kimi gürcü dili müəllimi. Xəyala Mustafayeva – Marneuli şəhər 8 saylı və Təzəkənd kənd 1 saylı dövlət məktəblərinin təsviri və tətbiqi incəsənət müəllimi. Sevil Qaribova - Marneuli Munisipalitetinin Ağməmmədli kəndinin dövlət məktəbinin gürcü dilinin ikinci dil kimi tədrisi üzrə müəlliməsi.

www.24news.ge

Marneulidə 10 müəllimin hər birinə 2 500 lari veriləcək

Digər xəbərlər