Marneulidə keçmiş həyat yoldaşını ölümlə hədələyən şəxs saxlanılıb

Kvemo Kartli Polis Departamentinin Marneuli Rayon İdarəsinin əməkdaşları ailə üzvünə qarşı hədə-qorxu gəlməkdə şübhəli bilinən və axtarışda olan şəxsi saxlayıblar. 24News.ge xəbər verir ki, bu barədə Daxili İşlər Nazirliyi məlumat yayıb. İstintaqla müəyyən edilib ki, təqsirləndirilən şəxs cari ilin iyul ayında keçmiş həyat yoldaşını onunla barışmaqdan imtina edəcəyi təqdirdə öldürməklə hədələyib. Saxlanılan şəxs Marneuli Rayon Məhkəməsinin qərarı əsasında axtarışda olub və barəsində qiyabi həbs qətimkan tədbiri seçilib. Hüquq-mühafizə orqanlarının əməkdaşları keçirilən əməliyyat-axtarış tədbirləri nəticəsində həmin şəxsi Marneulidə saxlayıblar. Hazırda saxlanılan şəxs penitensiar müəssisəyə yerləşdirilib.

www.24news.ge

Marneulidə keçmiş həyat yoldaşını ölümlə hədələyən şəxs saxlanılıb

Digər xəbərlər