47 yaşlı qadın həyat yoldaşı tərəfindən qətlə yetirilib

Poti şəhərində 50 yaşlı Zaza Karbayya həyat yoldaşı, 47 yaşlı İda Kaliçavanı qətlə yetirməkdə şübhəli bilinir. 24News.ge xəbər verir ki, Daxili İşlər Nazirliyinin məlumatına görə, kişi mübahisə zamanı qadına bıçaqla xəsarət yetirib. Hüquq-mühafizə orqanlarının əməkdaşları şübhəlini hadisədən dərhal sonra saxlayıblar. Məlumata əsasən, mərhum qadın Abxaziyadan məcburi köçkün olub. Yerli sakinlər hadisənin səbəbləri barədə dəqiq məlumatlarının olmadığını bildirirlər. Qonşular ailəni müsbət xarakterizə edərək hadisə günü evdən hər hansı səs-küy eşitmədiklərini deyiblər. “Çox yaxşı, zəhmətkeş insanlardır. Nə baş verdiyini bilmirəm. Heç bir səs də eşitmədik... İndi toy etməli idilər, qızlarını ərə verirdilər”, – deyə qonşulardan biri bildirib. Yerli sakinlər hadisənin mümkün səbəbi kimi qısqanclığı ehtimal etsələr də, bu məlumat rəsmi şəkildə təsdiqlənməyib. Daxili İşlər Nazirliyinin məlumatına görə, törədilmiş cinayətə görə 20 ilədək həbs və ya ömürlük azadlıqdan məhrumetmə cəzası nəzərdə tutulur.

www.24news.ge

47 yaşlı qadın həyat yoldaşı tərəfindən qətlə yetirilib

Digər xəbərlər