Kobaxidze: “Növbəti seçkiləri köhnəlmiş simalarla qazanmaq bizim üçün daha asan ola bilərdi”

Baş nazir İrakli Kobaxidze müxalifət partiyalarının qadağan edilməsi ilə bağlı Konstitusiya Məhkəməsinə təqdim edilən iddia barədə danışıb. 24News.ge xəbər verir ki, Kobaxidzenin sözlərinə görə, “Gürcü Arzusu” iddianı təqdim edərkən şəxsi maraqlarını deyil, ölkənin və gürcü xalqının maraqlarını əsas götürüb. Onun bildirdiyinə görə, məqsəd siyasi sistemin sağlamlaşdırılmasıdır. Baş nazir qeyd edib ki, mövcud müxalifət qüvvələrinin siyasi səhnədə qalması hakimiyyət üçün növbəti seçkilərdə qələbə qazanmağı asanlaşdıra bilərdi: “Onların günləri sayılıdır. Konstitusiya Məhkəməsinə çox aydın şəkildə formalaşdırılmış iddia təqdim etmişik. Bu iddia ilə bağlı bir məqamı da qeyd etmək istəyirəm: subyektiv baxımdan, mövcud siyasi spektrin qorunub saxlanılması bizim üçün daha maraqlı ola bilərdi. Biz hər dəfə bu radikal, birləşmiş müxalifət qüvvəsini, əslində agentura olan, müxalifət adlandırılan siyasi qüvvəni çox asanlıqla məğlub edirik. Bu köhnəlmiş simalarla növbəti seçkiləri qazanmaq bizim üçün daha asan ola bilərdi. Lakin burada əsas məsələ bizim subyektiv maraqlarımız deyil. Əsas məsələ ondan ibarətdir ki, siyasi sistemin və demokratik quruluşun sağlamlaşdırılması gürcü xalqının maraqlarına uyğundur. Buna görə də Konstitusiya Məhkəməsinə iddia təqdim edərkən öz subyektiv maraqlarımızı deyil, Gürcüstan cəmiyyətinin və ölkəmizin obyektiv maraqlarını əsas götürmüşük”, – deyə İrakli Kobaxidze bildirib.

www.24news.ge

Kobaxidze: “Növbəti seçkiləri köhnəlmiş simalarla qazanmaq bizim üçün daha asan ola bilərdi”

Digər xəbərlər