XİN-dən bəyanat: "Aİ nümayəndələri ölkənin daxili işinə müdaxiləyə cəhd edir"

Gürcüstan Xarici İşlər Nazirliyi (XİN) Avropa İttifaqı (Aİ) nümayəndələrinin Gürcüstan Konstitusiya Məhkəməsində davam edən məhkəmə prosesləri ilə bağlı son açıqlamalarına münasibət bildirib. 24News.ge xəbər verir ki, nazirliyin yaydığı bəyanatda Aİ nümayəndələrinin açıqlamalarının ciddi narahatlıq doğurduğu qeyd olunub. Bəyanatda bildirilib ki, məhkəmə işin mahiyyətinə baxmazdan əvvəl prosesin qanuniliyini və məhkəmə araşdırmasının ilkin mərhələsini şübhə altına almaq konstitusiya institutuna həddindən artıq təzyiq göstərilməsi və Gürcüstanın daxili işlərinə müdaxilə cəhdi kimi qiymətləndirilir. “Qanunun aliliyinə hörmət məhkəməyə Gürcüstan Konstitusiyasına və qüvvədə olan qanunvericiliyə uyğun olaraq işə müstəqil şəkildə baxmaq imkanı verilməsini tələb edir”, – deyə bəyanatda vurğulanıb. XİN, həmçinin Aİ nümayəndələrinin Gürcüstanın daxili siyasi və hüquqi prosesləri ilə bağlı açıqlamalarından və istifadə etdikləri ritorikadan narahatlığını ifadə edib. Nazirliyin mövqeyinə görə, bu cür açıqlamalar davam edən proseslərin obyektiv qiymətləndirilməsinə və Gürcüstanla Avropa İttifaqı arasında konstruktiv əməkdaşlığa mane olur.

www.24news.ge

XİN-dən bəyanat: "Aİ nümayəndələri ölkənin daxili işinə müdaxiləyə cəhd edir"

Digər xəbərlər