Marneulidə gənc bıçaqlanıb, bir nəfər saxlanılıb (VİDEO)

Marneuli şəhərində qəsdən sağlamlığa ağır zərər vurmaqda şübhəli bilinən bir nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Məlumata görə, Marneuli bələdiyyəsində şəxslər arasında yaranan mübahisə zamanı təqsirləndirilən şəxs soyuq silahdan istifadə edərək gənc kişiyə ağır bədən xəsarətləri yetirib. Yaralı tibbi yardım göstərilməsi üçün klinikaya aparılıb. Hüquq-mühafizə orqanlarının keçirdiyi əməliyyat-axtarış tədbirləri və istintaq hərəkətləri nəticəsində şübhəli şəxs hadisədən dərhal sonra saxlanılıb. Faktla bağlı Cinayət Məcəlləsinin 117-ci maddəsi ilə istintaq aparılır. Həmin maddə 7 ilədək azadlıqdan məhrumetmə cəzasını nəzərdə tutur. Məlumata əsasən, hadisə gecə saatlarında Musxelişvili küçəsində baş verib. Bıçaq xəsarətləri alan 21 yaşlı gənc klinikaya yerləşdirilib və onun vəziyyəti stabildir.

www.24news.ge

Marneulidə gənc bıçaqlanıb, bir nəfər saxlanılıb (VİDEO)

Digər xəbərlər