Zaxarova: "Gürcüstanı rusofobik avantüralara cəlb etməyə çalışırlar"

Rusiya Xarici İşlər Nazirliyinin sözçüsü Mariya Zaxarova bəyan edib ki, regiondan kənar qüvvələr Gürcüstanı rusofobik xarakterli təhlükəli avantüralara cəlb etməyə çalışırlar. 24News.ge xəbər verir ki, Zaxarovanın sözlərinə görə, hazırkı vəziyyət Gürcüstanı bu cür addımlara sövq etməyə çalışan qüvvələr üçün arzuolunmazdır. O bildirib ki, Tbilisinin milli maraqlarına zidd addımlar atmaq niyyətində olmadığı və kənardan diktəni qəbul etmədiyi aydın görünür. Zaxarovanın sözlərinə görə, Moskva Gürcüstanın kənardan gələn “dağıdıcı təsirlərə” qarşı maneələr yaratmaq və ölkənin Qərbin “rusofobik avantüralarına” cəlb edilməsinin qarşısını almaq cəhdlərini anlayışla qarşılayır: “Qeyd etməmək mümkün deyil ki, yaranmış vəziyyət Gürcüstanı rusofobik xarakterli təhlükəli avantüralara cəlb etməyə çalışan regiondan kənar qüvvələrin boğazında qalmış sümük kimidir. Düşünürəm ki, Tbilisi dəfələrlə çox aydın şəkildə bəyan edib ki, bu, gürcü xalqının planlarına daxil deyil. Onlar öz milli maraqlarına zidd, özlərinə zərər verəcək addımlar atmaq niyyətində deyillər. Biz Gürcüstanın kənardan gələn bu dağıdıcı təsirlərə qarşı müəyyən maneələr yaratmaq, eyni zamanda xarici tərəfdaşları ilə bərabərhüquqlu və qarşılıqlı hörmət prinsipləri əsasında münasibətlər qurmaq cəhdlərinə anlayışla yanaşırıq. Məncə, bu, suverenlik anlayışına uyğundur. Suverenlik o deməkdir ki, sən dağıdıcı təsirlərə imkan vermirsən. Bu təsirlərin məqsədi sənə kömək etmək deyil, öz iradələrini sənə diktə etməkdir. Xüsusilə də dağıdıcı proseslərə yönəlmiş iradələrini”, – deyə Mariya Zaxarova bildirib.

www.24news.ge

Zaxarova: "Gürcüstanı rusofobik avantüralara cəlb etməyə çalışırlar"

Digər xəbərlər