Vaxtanq Qomelauri Giorgi Qaxariyanın işi üzrə məhkəmədə ifadə verib

Sabiq daxili işlər naziri Vaxtanq Qomelauri hazırda siyasətə qayıtmağı planlaşdırmadığını bildirib. 24News.ge xəbər verir ki, Qomelauri bu açıqlamanı “Çorçana işi” üzrə təqsirləndirilən sabiq Baş nazir Giorgi Qaxarianın məhkəmə işi çərçivəsində ifadə verdikdən sonra edib. Qomelauri media nümayəndələrinə geniş açıqlama verməyib. O, məhkəmə binasını tərk edərkən jurnalistlərin bir neçə sualını qısa şəkildə cavablandırıb. “Danışmağa elə də çox sözüm yoxdur”, – deyə Qomelauri bildirib. Onun siyasətə qayıtmağı planlaşdırıb-planlaşdırmadığı ilə bağlı suala cavabı belə olub: “Bu mərhələdə mənim qayıtmağım heç bir şəkildə müzakirə olunmur. Gələcəkdə isə...” – deyə Qomelauri bildirib. Sabiq Baş nazir İrakli Qaribaşvilinin məktubları və Qomelauriyə yönəltdiyi iddialarla bağlı suala isə o, şərh verməkdən imtina edib. “Bu barədə şərh verməyəcəyəm, bu məsələdə susmağa üstünlük verirəm”, – deyə sabiq nazir qeyd edib. Çorçanada postun yaradılması və bununla bağlı məlumatının olub-olmaması barədə suala isə Qomelauri “Bunu haradan bilməli idim?” cavabını verib.

www.24news.ge

Vaxtanq Qomelauri Giorgi Qaxariyanın işi üzrə məhkəmədə ifadə verib

Digər xəbərlər