Çin şirkətləri ilə Gürcüstanda avtomobil istehsalı imkanları müzakirə olunub (FOTO)

Gürcüstanın iqtisadiyyat və davamlı inkişaf naziri Mariam Kvrivişvili Çinin ən iri avtomobil istehsalçılarından biri olan BAIC International şirkətinin sədri Fu Jun ilə şirkətin baş ofisində görüşüb. 24News.ge xəbər verir ki, bu barədə Gürcüstan İqtisadiyyat Nazirliyi məlumat yayıb. Məlumata görə, görüş zamanı nazir Gürcüstan İqtisadiyyat İnkişaf Korporasiyasının sifarişi ilə hazırlanmış ölkədə elektromobil istehsalı müəssisəsinin yaradılması imkanlarına dair araşdırmanı təqdim edib və BAIC International ilə əməkdaşlığın perspektivlərini müzakirə edib. Görüşdə Gürcüstanda elektromobillərin istehsal olunacağı təqdirdə onların ixrac potensialı, o cümlədən azad ticarət sazişləri çərçivəsində Avropa ölkələrinin bazarlarına çıxarılması imkanları nəzərdən keçirilib. Tərəflər razılaşıblar ki, Çin şirkəti Gürcüstanda ikitərəfli iş prosesinin aparılması məqsədilə xüsusi işçi qrup göndərəcək. Görüş zamanı Çin avtomobil istehsalçısının həm Çin, həm də beynəlxalq bazarlarda əldə etdiyi uğurlar vurğulanıb. Öz növbəsində, BAIC International şirkətinin nümayəndələri şirkətin strateji inkişaf istiqamətləri, beynəlxalq bazarlarda fəaliyyətinin genişləndirilməsi və coğrafi əhatəsinin artırılması imkanları barədə ətraflı məlumat veriblər. Nazir və nümayəndə heyətinin üzvlərinə şirkətin baş ofisində BAIC International tərəfindən istehsal olunan avtomobillər də təqdim olunub.

www.24news.ge

Çin şirkətləri ilə Gürcüstanda avtomobil istehsalı imkanları müzakirə olunub (FOTO)

Digər xəbərlər