Kvemo Kartlidə narkotik cinayəti ilə bağlı 5 nəfər xarici ölkə vətəndaşı saxlanılıb (VİDEO)

Daxili İşlər Nazirliyinin Kvemo Kartli və Patrul Polisi departamentlərinin əməkdaşları narkotik cinayəti ilə bağlı 5 nəfəri saxlayıblar. 24News.ge xəbər verir ki, bu barədə Daxili İşlər Nazirliyi məlumat yayıb. Nazirliyin məlumatına görə, saxlanılan şəxslər xarici ölkə vətəndaşlarıdır. Onlar xüsusilə külli miqdarda narkotik vasitələrin qanunsuz əldə edilməsi və saxlanılması, satışı və satışına yardım göstərməkdə ittiham olunurlar. Məlumata əsasən, hüquq-mühafizə əməkdaşları saxlanılan şəxslərin üzərinə və müvəqqəti yaşadıqları mənzillərə, həmçinin onların göstərdiyi ünvanlara baxış keçiriblər. Axtarış zamanı satış üçün hazırlanmış xüsusilə külli miqdarda müxtəlif növ narkotik vasitələr, o cümlədən kokain, haşiş və tiryək aşkar edilərək maddi sübut kimi götürülüb. Bundan əlavə, narkotik vasitələrin qablaşdırılması üçün istifadə olunan materiallar və ehtimal olunan narkotik satışından əldə edilmiş pul vəsaiti də maddi sübut kimi müsadirə edilib. Polis məhkəmə qərarı əsasında saxlanılan şəxslərdən birindən narkotik vasitənin nəzarətli alışını həyata keçirib. Həmin alış prosesi gizli audio-video çəkiliş vasitəsilə qeydə alınıb. Faktla bağlı Gürcüstan Cinayət Məcəlləsinin 260-cı, 260¹ və 260² maddələri ilə araşdırma aparılır. Qeyd olunan maddələr xüsusilə ağır hallardan asılı olaraq 20 ilədək və ya ömürlük azadlıqdan məhrumetmə cəzasını nəzərdə tutur.

www.24news.ge

Kvemo Kartlidə narkotik cinayəti ilə bağlı 5 nəfər xarici ölkə vətəndaşı saxlanılıb (VİDEO)

Digər xəbərlər