Gela Geladzeyə dövlət mühafizəsi təyin olunub

Daxili işlər nazirinin müavini Gela Geladzeyə dövlət mühafizəsi təyin olunub. 24News.ge xəbər verir ki, bu barədə Gürcüstan hökumətinin sentyabrın 15-də imzaladığı sərəncamda qeyd olunur. Sənədə əsasən, Geladzeyə dövlət mühafizəsi zəruri ilkin şərtlər qüvvədə olduğu müddətdə, lakin 2027-ci il sentyabrın 15-dək dövlət mühafizəsinin minimum standartlarına uyğun şəkildə təmin ediləcək. Mühafizə tədbirlərinin həyata keçirilməsi Dövlət Mühafizəsi Xüsusi Xidmətinə həvalə olunub. Qeyd edək ki, Gela Geladze sentyabrın 14-də Dövlət Təhlükəsizliyi Xidmətinin rəhbəri vəzifəsindən istefa verdiyini açıqlamışdı. Onun yerinə Tamaz Boraşvili təyin olunub. Geladze isə bundan sonra Daxili İşlər Nazirinin müavini vəzifəsində fəaliyyət göstərəcək.

www.24news.ge

Gela Geladzeyə dövlət mühafizəsi təyin olunub

Digər xəbərlər